Elordalyq oqýshylar jylyjaıda ósimdik ósiredi. Astanadaǵy №119 jalpy bilim beretin mekteptegi jylyjaıda jas baǵbandardyń ekken ónimi jaıqalyp ósip jatyr, dep jazady Egemen.kz
Mekteptegi oqý kabınetteriniń birinde búginde jasyl burysh bar. Naqtyraq aıtqanda 3 «z» synyp oqýshylary synyp jetekshisi N. V.Ospanbekovanyń bastaýymen zamanaýı shaǵyn jylyjaıda jaby ósimdik túrlerin ósirýdi qolǵa aldy.
Oqýshy bıopaket oılap tapty
Jumystyń maqsaty – ósimdikterdiń jaqsy ósýi men damýy úshin qandaı jaǵdaılar qajet ekenin anyqtaý. Muǵalimniń jetekshiligimen balalar jylyjaı qurylymymen, ósimdikterge kútim jasaý erejelerimen jáne qaýipsizdik erejesimen tanysady.
Elordalyq oqýshylar úsh kúnde erekshe robot qurastyryp shyǵardy
Shaǵyn jylyjaıda ósimdik ósirýge barlyq jaǵdaı jasalǵan. Jaryq ta jetkilikti, jylý men ylǵaldylyq saqtalady. Oqýshylar jylyjaıda árdaıym zertteý júrgizip, ósimdikterdi baqylaıdy. О́sýin, sý deńgeıin qadaǵalap, barlyq ózgeristerdi fotoreportaj túrinde jazady.
Astanada mektep oqýshylarynyń qaýipsizdigin jasandy ıntellekt baqylaıdy
Bir aptadan keıin balalar alǵashqy nátıjelerdi baıqaǵan. Japyraqtary jaıqalyp, erte tamyrlanǵanyn ańǵarady.
Mundaı zertteý balalardyń qorshaǵan álem týraly bilimderin keńeıtip qana qoımaı, tabıǵatqa jaýapkershilikpen qaraýdy qalyptastyrady, eńbekqorlyqqa baýlıdy. Shaǵyn jylyjaı bastaýysh synyp oqýshylary úshin naǵyz zerthanaǵa aınalyp keledi.